Facebook RSS
الصفحة الرئيسة رسالتنا ارسل مقالاً اتصل بنا

يكذب على فراش الموت!

 حتى وهو على فراش الموت لا ينفك "بيرز" يكذب ببجاحة حين يقول أنه حول فلسطين "أرضه/وطنه الأم؟؟!" لجنة! وأرض خصبة من مالحة!؟؟ بينما اليهودي "أحاد هاعام" عام 1891 قال: "ان البلاد -المقصود فلسطين-يصعب ان تجد فيها ارضا غير قابلة للفلاحة او لم تفلح بعد-واليكم النص من كتابه بعد وفاته ووصيته:
في عام 2016 وقع شيمون بيريز على وصيته وجاء في مذكراته: «أعتقد أن السلام أمر حتمي، لاني افهم اهميته، فهو الذي مكن روادنا من  إقامة وطننا الأم، وهو الذي دفعهم الى الابتكار وتحويل الاراضي المالحة إلى أراض خصبة، والصحراء إلى ارض تنتج الفواكه..؟!

كيف ممكن نصدق كلام كذب احنا اللي اخترعناه !؟

نشر بتاريخ: 2017-10-29
عالم النفس الإجتماعي " ليون فستنغر" عمل تجربه عشان يعرف اجابة هذا السؤال تحديدا ، وملخص التجربه انه جاب مجموعه من الطلاب الجامعيين وخلاهم يلعبوا لعبه بالمكعبات ، وكانت اللعبة مملة بشكل فظيع ، وبعد ما خلصوا لعب طلب منهم يحكوا رأيهم في اللعبه أمام أشخاص أخرين مقابل دفع مبلغ من المال.
ليون قام بتقسيم الطلاب لمجموعتين ، وطلب من المجموعه الاولى تحكي رأيها باالعبة مقابل دفع 20 دولار لكل شخص في المجموعة

وطلب من المجموعه الثانية تحكي رأيها مقابل دفع دولار واحد للشخص ، واللي صار انه المجموعتين قاموا بالكذب على الناس وقالوا انه اللعبة كانت مسلية وممتعة .
في نهايه التجربه ، ليون طلب من المشاركين في التجربة انهم يقولوا رأيهم بصراحه في اللعبه ، وكانت المفاجاه انه الطلاب اللي أخدوا 20 دولار قالوا بكل صراحه انه اللعبه كانت ممله جدا وانهم كذبوا عشان الفلوس

عكس الطلاب اللي أخدوا دولار واحد واللي قالوا انه اللعبه كان ممتعه فعلا وانهم ما كذبوا عشان الفلوس

وهون استنتج "ليون فستنغر" انه الانسان عشان ما يستحقر نفسه او يحس برخص في الشيء اللي بيعمله ، وخصوصا لما يكون العائد قليل زي دولار واحد ، بيضطر يكذب على نفسه عشان يقنع ذاته انه مش رخيص ، وانه فعلا كان مستمتع باللعبه مع انه هذا الكلام كذب ومش حقيقي.
في قصة للكاتب اليوناني "ايسوب " اسمها " الثعلب والعنب " .. بتحكي عن ثعلب كان ميت من الجوع ، وشاف عناقيد العنب بتتدلى من الشجرة لكنها كانت عالية، حاول اكثر من مرة يوصل للعنب، لكن بدون فائدة، فلما يئس من الوصول مشى في طريقه وهو بيقول : " على كل حال ، العنب ما كان ناضج ، بعده حصرم".
ببساطه الانسان مصمم نفسياً انه ما يظهر عاجز او رخيص .. فبيحاول بكل الطرق الممكنه انه يقنع نفسه انه مش هيك حتى لو وصل فيه الامر انه يكذب علي حاله او يزيف لنفسه الحقائق ، عشان ما يعيش الحقيقه المره

فمثلا بتشوف صديق كان بيحب وحده ولما هي تركته قال "اصلا هي ما كانت منيحة وانا كنت بفكر اتركها ".
الكذب هو سبيلنا الوحيد للاستمرار في الحياه ، وان نظهر أنفسنا في احسن صوره وافضل وضع ، هو سبيلنا لالقاء عجزنا على الاخر ، أو على الظروف ، ومن غير ما نكذب علي حالنا ، راح نوقف امام أنفسنا بصورنا الحقيقه ، وراح نشوف فشلنا وعجزنا ، وكل الاشياء السيئة اللي فينا .
طيب ليش نعاني كل هذه المعاناة لما بالامكان نكذب ونرتاح.! عشان هيك ما في أفضل واسهل من انه الانسان يكذب على حاله عشان يعرف يعيش!

عن فيسبوك
Developed by